(Видео) Кузеска: „ДКСК да го истражи скандалот со Јанушев и поврзаноста со бугарска фирма“

На денешната прес-конференција пред Државната комисија за спречување на корупцијата (ДКСК), портпаролката и членка на Извршниот одбор на СДСМ, Богданка Кузеска, побара институциите да ги испитаат наводите за поврзаност на генералниот секретар на Владата, Игор Јанушев, со компанија регистрирана во Бугарија.

— реклама —

Кузеска изјави дека јавноста дознала за, како што рече, „уште еден сериозен скандал“ што го засега највисокиот врв на Владата и посочи дека, според документи објавени во медиумите, Јанушев е поврзан со фирма во Бугарија.

Според неа, во анкетните листови што Јанушев ги доставил до ДКСК не е наведена таква поврзаност, поради што Комисијата, како што нагласи, треба веднаш да отвори предмет и да ги провери сите факти.

— реклама —

„ДКСК не смее да биде нем набљудувач на скандалите на власта. Мора без одлагање да ги побара сите документи и да ја информира јавноста за своите наоди“, рече Кузеска на прес-конференцијата.

— реклама —

Таа на прес-конференцијата праша дали Јанушев ги пријавил сите податоци што согласно закон бил должен да ги достави и посочи дека, доколку се утврди дека криел удел или деловен интерес, ќе треба да сноси законска одговорност.

Во своето обраќање, Кузеска упати критики и кон ВМРО-ДПМНЕ, обвинувајќи ја владејачката партија за двојни стандарди во однос на политиките кон Бугарија и европските интеграции на државата.

Од СДСМ прашуваат и дали Игор Јанушев ќе поднесе оставка од функцијата генерален секретар на Владата додека трае евентуалната истрага.