(Видео) Кузеска: „По Груевски, ослободен и Латас – уште една потврда за контролираното судство“

На денешната прес-конференција, портпаролката на СДСМ и членка на Извршниот одбор, Богданка Кузеска оцени дека одлуката Обвинителството да се откаже од обвинението против новинарот Драган Павловиќ Латас претставува уште еден доказ за, како што тврди партијата, политичка контрола врз правосудниот систем.

— реклама —

Кузеска изјави дека по ослободителната пресуда за поранешниот премиер Никола Груевски во предметот „Талир 2“ и одлуката за Белата палата, сега и случајот со Латас, според неа, покажува селективно постапување на институциите.

— реклама —

Кузеска посочи дека Обвинителството се откажало од обвинението против Латас откако Судот побарал ново супервештачење, при што износот на наводното даночно затајување бил намален.

— реклама —

Според СДСМ, ваквиот развој на настаните е доказ дека премиерот Христијан Мицкоски има влијание врз работата на Обвинителството и судството. Од партијата тврдат дека кога станува збор за лица блиски до ВМРО-ДПМНЕ, обвиненијата се повлекуваат или постапките завршуваат во нивна корист, додека кон политичките противници, според нив, институциите постапуваат брзо и селективно.

Кузеска оцени дека ваквата состојба го попречува европскиот пат на Македонија и ја поткопува довербата во правната држава, додавајќи дека институциите, наместо независно да го спроведуваат законот, работат во интерес на власта.:::