Скопје попладнево беше зафатено од краткотрајно, но исклучително силно невреме проследено со силен ветер, кој предизвика значителна материјална штета на повеќе локации низ главниот град. Надлежните служби ги сумираат последиците, додека граѓаните пријавуваат оштетени објекти, возила и паднати дрвја.
Штета е регистрирана во населбата Острово во Општина Аеродром, каде силниот ветер откорнал кровна конструкција.
Кровна конструкција одлета и кај пазарчето во Буњаковец, а штети се забележани и во трговскиот центар „Лептокарија“, каде силниот ветер откорна дел од покривот. Моментот на уривањето беше снимен и се споделува на социјалните мрежи.
Последици има и во централното градско подрачје. На две локации на зградите од комплексот „Градски ѕид“ силниот ветер откорнал делови од покривните конструкции, кои завршиле на околните површини.
Освен откорнатите кровови, низ градот има паднати дрвја, искршени гранки и оштетени возила, а екипите на надлежните служби се на терен и работат на расчистување на последиците од невремето.
(Видео) Силното невреме повторно го однесе покривот на средното хемиско училиште
Во невремето кое попладнево го зафати Скопје, без кров остана салата на средното хемиско училиште „Марија Кири Склодовска“.Покрај училиштето, силниот ветер откорна и покриви од станбени згради и други објекти во различни делови од Скопје. На повеќе локации има паднати дрвја и гранки, оштетени се возила, а на дел од улиците сообраќајот е отежнат поради наноси и урнати предмети.Надлежните служби се на терен и работат на расчистување на последиците од невремето, а се проценува и висината на причине
Скопје | пред 4 часа
