(Видео) Манасков: Скандал кој Јаневска и ВМРО го кријат, деца однесени во казино во Монте Карло за директорката да се коцка

На прес-конференција, Јованче Манасков, претседател на Комисијата за образование и наука на СДСМ обвини дека за време на ученичка екскурзија во Монте Карло, директорката на Регионалниот центар за стручно образование и обука „Ѓорѓи Наумов“ од Битола, Жанета Сервини, и помошник-директорот Љупчо Здравковски наводно се коцкале во казино, додека учениците ги чекале во холот.

Манасков изјави дека партијата располага со видеоснимки и фотографии за случајот. Тој најави дека ќе биде објавена снимка со заматени ликови за да се заштити идентитетот на малолетните ученици.

— реклама —

— реклама —

Од СДСМ тврдат дека наместо да се грижат за безбедноста на учениците за време на екскурзијата, директорката и нејзиниот помошник играле на слот-машини во казино. Партијата побара да се утврди одговорност за сите инволвирани.

— реклама —

Манасков ја повика министерката за образование и наука, Весна Јаневска, итно да спроведе надзор и да поведе постапка за утврдување одговорност и разрешување на инволвираните лица.

„Одговорноста во образованието не е привилегија, туку обврска“, порача Манасков.