(Видео) Мажи со фантомки влегуваат во Пионерскиот парк во Белград, полицијата ги пропушта

Групи непознати мажи, претежно облечени во црна облека, вечерва влегуваат во Пионерскиот парк во центарот на Белград, а дел од нив носат качулки и фантомки, објави српскиот портал „Нова.рс“.

— реклама —

Медиумот дошол до видеоснимки на кои, како што наведува, се гледа како полицијата ги пропушта мажите да влезат во паркот од правец на Андриќев венец.

На снимките се забележуваат повеќе лица во темна облека, од кои некои имаат покриени лица. Според објавените информации, тие се собираат во поголем број во паркот, во непосредна близина на државните институции во Белград.

— реклама —

View this post on Instagram

— реклама —

Засега не е познато кои се овие лица, дали нивното собирање е организирано и која е причината за нивното присуство во Пионерскиот парк.

Исто така, нема официјално објаснување зошто полицијата ги пропушта лицата со покриени лица во просторот.

Информациите се појавуваат по затворањето на избирачките места на предвремените парламентарни избори во Србија, во период кога се очекуваат првите изборни резултати, а во центарот на Белград е забележано засилено полициско присуство.