(Видео) Младите од СДММ бараат одговорност за срамот со „Секси мама" и сквернавење на „Македониумот“

Младите од СДММ бараат одговорност поради снимањето на спотот за песната „Секси мама“ во „Македониумот“ во Крушево, оценувајќи дека станува збор за несоодветно користење на споменик на културата.

Од СДММ велат дека содржината на спотот и местото на кое бил снимен претставуваат недозволив однос кон културното и историското наследство.

— реклама —

„Не е важно од каде е раперот, важна е содржината и суштината. А важно е кој дозволи. Одговорност мора да има“, порачаа младите социјалдемократи.

— реклама —

Тие побараа смена на директорот на институцијата, обвинувајќи дека „Македониумот“ бил искористен за снимање на спот за 500 евра.

Од СДММ нагласуваат дека спомениците се културно и историско богатство и оти нивната заштита треба да биде приоритет.

— реклама —

„Спомениците се нашето културно и историско богатство, не се шиткаат за 500 евра и за „Секси мама“, туку се чуваат“, стои во нивната реакција.