(Видео) По „Секси мама“ во „Македониумот“, Мицкоски најави разрешување на директорот и Управниот одбор на музејот

Премиерот Христијан Мицкоски најави дека ќе побара разрешување на директорот и членовите на Управниот одбор на институцијата надлежна за „Македониумот“ во Крушево, по снимањето на спотот за песната „Секси мама“.

Мицкоски рече дека ги следел реакциите во јавноста и оцени дека случувањето во Македониумот не требало да се случи.

— реклама —

„Навистина, тоа што таму се случило претставува нешто што не требало да се случи“, изјави Мицкоски.

Тој најави дека ќе побара од министерот за култура и туризам да биде разрешен директорот на институцијата, како и членовите на Управниот одбор.

— реклама —

„Ќе побарам од министерот за култура и туризам да биде разрешен директорот на таа институција, заедно со Управниот одбор, бидејќи таков тип на институции не треба да бидат изнемоштени и користени за такви намени“, рече Мицкоски.

Премиерот упати и извинување до граѓаните поради, како што рече, пропустот што се случил и најави дека ќе се работи ваква ситуација да не се повтори.

— реклама —

„Им се извинувам на граѓаните поради тоа што тој пропуст е направен и се случил. И ќе се трудиме во иднина такво нешто да не се повтори“, изјави Мицкоски.

Тој повторно потврди дека уште денеска ќе побара да бидат разрешени директорот и членовите на Управниот одбор.

„Така што, уште денеска ќе побарам да бидат разрешени и членовите на Управниот одбор и директорот на таа културна институција“, рече Мицкоски.

View this post on Instagram