Видео) Некој си присвоил јавни паркинг-места во Скопје Север, Општина Бутел ги отстрани блокаторите

Нелегално поставени метални блокатори на јавни паркинг-места во населбата Скопје Север денеска беа отстранети од екипите на Општина Бутел, откако граѓани пријавиле дека дел од јавниот простор е узурпиран.

Градоначалникот на Бутел, Дарко Костовски, соопшти дека со интервенцијата се ослободени паркинг-местата кои биле незаконски зафатени со метални пречки.

— реклама —

— реклама —

„Скопје Север – крај на узурпацијата на јавниот простор! Нема приватизација на јавни паркинзи!“, порача Костовски.

Според градоначалникот, акцијата следувала по пријави од жителите на Скопје Север, кои реагирале поради нелегално поставените блокатори.

— реклама —

Со нивното отстранување, паркинг-местата повторно се ослободени за јавна употреба.

„Никој нема право да присвојува јавен простор! Ред мора да има. Без исклучоци!“, нагласи Костовски.

— реклама —

Засега не е соопштено колку метални блокатори биле отстранети, кој ги поставил и дали против одговорните лица ќе бидат преземени дополнителни мерки.