По првичните информации дека физичката пресметка меѓу двајцата пилоти предизвикала тревога и пренасочување на авионот, се појавија нови детали за драмата што се одвивала во кокпитот.
Израелскиот премиер Бенјамин Нетанјаху изјави дека еден од пилотите го избодел другиот додека авионот се приближувал кон Израел, а според неговите наводи, напаѓачот се обидел и да ги оневозможи системите на авионот.
Нетанјаху раскажа дека разговарал со еден од патниците кој учествувал во совладувањето на пилотот. Според неговото сведоштво, авионот почнал да се врти и нагло да губи височина, додека напаѓачот се обидувал да ја преземе контролата.
Патникот, заедно со член на екипажот, успеал да влезе во пилотската кабина и да го совлада пилотот кој го нападнал својот колега. Во авионот се наоѓала и резервна пилотска екипа, чии членови потоа ја презеле контролата врз леталото.
Авионот на „Флајдубаи“ на летот од Дубаи кон Тел Авив претходно бил пренасочен кон Саудиска Арабија откако биле испратени сигнали за опасност и за можно незаконско преземање на контролата врз авионот.
Според податоците за летот, авионот во еден момент нагло загубил значителна височина. По инцидентот, леталото безбедно слетало во Табук, Саудиска Арабија.
Двајцата пилоти биле пренесени во болница поради повредите, додека осомничениот за нападот бил уапсен по слетувањето и е во рацете на саудиските власти.
Нетанјаху изјави дека Израел е во контакт со саудиските власти во врска со случајот и со враќањето на патниците. Мотивот за нападот засега не е соопштен.
Паника на летот Дубаи–Тел Авив: Пилотите се степале, од авионот бил испратен сигнал за киднапирање
Авион на компанијата Flydubai со 174 патници, меѓу кои 27 деца, бил принудно пренасочен и слетал во Саудиска Арабија откако двајцата пилоти физички се пресметале во кокпитот. Инцидентот предизвикал сериозна безбедносна тревога, бидејќи од авионот бил испратен код што се користи при киднапирање.Летот од Дубаи кон Тел Авив полетал во 7:05 часот и требало да слета на аеродромот „Бен Гурион“ околу 9:30 часот. Околу час и половина по полетувањето, додека авионот влегувал во воздушниот простор на Јорд
Свет | пред 12 часа
