Нов силен земјотрес со магнитуда од 5,9 степени според Рихтер го погоди регионот Флорес во Индонезија, соопшти Европско-медитеранскиот сеизмолошки центар (EMSC).
Земјотресот бил регистриран на длабочина од околу 10 километри, а потресот бил почувствуван во поширокиот регион. На социјалните мрежи се појавија и снимки на кои се гледаат пукнатини на патиштата по земјотресот.
Засега нема информации за повредени лица или за причинета материјална штета.
Новиот потрес следува само неколку дена по силниот земјотрес што ја погоди Индонезија на 15 август. Тогаш бил регистриран земјотрес со магнитуда од 7,7 степени, со епицентар во близина на Мбаја, во регентството Нагекео.
