(Видео) Нови украински напади врз Русија: Погодени руски ракетно-вселенски центар и аеродром за борбени авиони

Украинските сили извршиле напади врз руски воени објекти во Самарската област, меѓу кои и руски ракетно-вселенски центар и воен аеродром, соопшти украинскиот претседател Володимир Зеленски.

Зеленски на „Телеграм“ наведе дека бил погоден ракетно-вселенскиот центар во Самара, како и воен аеродром, кој се користел како база за борбени авиони.

— реклама —

Локалните власти во Самарската област потврдија дека во регионот бил извршен напад, но соопштија дека цел била индустриска инфраструктура. Градоначалникот на Самара, Иван Носков, изјави дека противвоздушната одбрана одбила, како што го опиша, „огромен напад“.

— реклама —

Според него, индустриската инфраструктура претрпела ограничена штета, без да бидат објавени детали за конкретниот објект кој бил погоден.

Украина и претходно извршувала напади врз енергетската инфраструктура во Самарската област, вклучително и врз рафинерија за нафта во градот Сизран на реката Волга. Киев со ваквите напади настојува да изврши притисок врз Москва за прекин на воениот конфликт.

— реклама —

Зеленски дополнително соопшти дека украинските сили погодиле и руско нафтено постројување во Уст-Луга, на Балтичкото Море. Тој не прецизираше за кој објект станува збор, но наведе дека бил оштетен во нападот.

— реклама —

Претходно беше објавено дека Украина извршила напад и врз руска постројка за преработка на природен гас во пристаништето Уст-Луга.