(Видео) Обилните дождови во Швајцарија доведоа до лизгање на земјиштето: oсум лица се водат како исчезнати

Во Швајцарија неколку лица се водат како исчезнати во кантонот Тичино на југоисточниот дел на земјата, по свлечиштето предизвикано од обилните дождови што од вчера зафати голем дел од алпската земја, соопшти полицијата.

— реклама —

„Големата бура предизвика лизгање на земјиштето во регионот Фонтана, а луѓето се водат за исчезнати“, соопшти полицијата во соопштението за печатот, без дополнителни детали.

— реклама —

Повикот за евакуација на куќите во близина на реката Меги е упатен рано утринава до жителите на Прато-Сорница и долината Магија, каде што се трага по исчезнатите лица.

Патиштата се отсечени, а камповите лоцирани покрај реката се евакуирани, соопшти кантоналната полиција. Водата го однела мостот и бил блокиран кантоналниот пат.

— реклама —

Струјата беше прекината во делови од регионот, а дел од кантонот остана без вода за пиење, според федералниот систем за тревога во Швајцарија.

— реклама —

https://twitter.com/Earth42morrow/status/1807263492032065610?ref_src=twsrc%5Etfw%7Ctwcamp%5Etweetembed%7Ctwterm%5E1807263492032065610%7Ctwgr%5E3096ee494dbcb03bfab9fd6c7642c6f75d58efac%7Ctwcon%5Es1_&ref_url=https%3A%2F%2Fwww.index.hr%2Fvijesti%2Fclanak%2Fsnazne-kise-u-svicarskoj-dovele-do-odrona-osam-osoba-nestalo%2F2578247.aspx