(Видео) „По падот на Вучиќ Алта банка префрла пари во Македонија – Обвинителството веднаш да отвори истрага“, вели Кузеска

Портпаролката на СДСМ, Богданка Кузеска, побара Јавното обвинителство да отвори истрага за наводите дека Алта банка од Србија префрла големи суми пари на сметки на правни лица во Скопје и Москва.

— реклама —

Кузеска, повикувајќи се на информации објавени во српските медиуми, изјави дека трансферите наводно започнале на 26 октомври, по изборите во Србија. Таа се повика и на тврдења на адвокатот Ниниќ, кои ги пренел порталот „Нова.рс“.

— реклама —

Од СДСМ бараат да се утврди потеклото на парите и да се спречат можни злоупотреби во Македонија. Кузеска го повика и гувернерот на Народната банка, Трајко Славевски, јавно да соопшти што ќе преземе во врска со случајот.

Таа изнесе обвинувања за поврзаност на Алта банка и нејзиниот сопственик Давор Мацура со српскиот претседател Александар Вучиќ и Српската напредна партија, како и за нивни врски со власта во Македонија. Кузеска тврдеше и дека банката била предмет на ограничувања и истраги во други земји.

— реклама —

Од СДСМ побараа институциите веднаш да постапат, да го испитаат потеклото на средствата и да утврдат дали има незаконитости. Наводите изнесени на прес-конференцијата се тврдења на партијата, а не утврдени факти.