Романски борбен авион Ф-16 собори беспилотно летало што навлезе во воздушниот простор на земјата, соопшти претседателот на Романија, Никушор Дан.
Според него, инцидентот се случил утрово околу 11 часот над ненаселено подрачје, што му овозможило на пилотот безбедно да го собори дронот без опасност за населението.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
„Тимови на надлежните институции се на терен и ги утврдуваат сите околности поврзани со инцидентот“, напиша Дан на социјалната мрежа Икс, без да го прецизира потеклото на беспилотното летало.
Романското Министерство за одбрана соопшти дека дронот бил соборен во близина на местото Падина, во округот Бузау, во источниот дел на земјата.
Романија, како членка на НАТО и Европската Унија, има околу 650 километри копнена граница со Украина. Од почетокот на руската инвазија врз Украина во 2022 година, романските власти повеќепати пријавија нарушување на воздушниот простор од беспилотни летала поврзани со конфликтот. Кон крајот на мај годинава дрон погоди станбена зграда во Романија, при што беа повредени две лица.
