(Видео) Руски дрон погоди патнички воз со 340 луѓе, загинаа машиновозачот и неговиот помошник

Двајца членови на екипажот загинале откако руски дрон со млазен погон ја погодил и уништил локомотивата на патнички воз во Одеската област, соопшти украинскиот претседател Володимир Зеленски.

Според Зеленски, во возот во моментот на нападот имало 340 луѓе, а машиновозачот и неговиот помошник биле усмртени во нападот.

— реклама —

„Оној што управувал со тој дрон сигурно не можел да не знае дека целта е целосно цивилна“, порача Зеленски, изразувајќи сочувство до семејствата и блиските на загинатите.

— реклама —

Украинскиот претседател информираше и дека во текот на ноќта биле извршени напади во 11 региони на Украина, при што руските сили употребиле повеќе од 130 напаѓачки дронови.

Зеленски оцени дека руските сили секојдневно ги напаѓаат животите на цивилите, како што наведе, „едноставно заради терор“.

— реклама —

Тој повика на дополнителна меѓународна поддршка за украинската противвоздушна одбрана и поголем притисок врз Русија.

— реклама —

„Потребна е поголема поддршка за противвоздушната одбрана и поголем притисок врз Русија, ако светот навистина сака да ја запре оваа војна во Европа“, порача украинскиот претседател.