(Видео) Се санираше дупката во која влезе советничка од СДСМ во центарот на Битола

Дупката на улицата „Пеце Матичевски“ во центарот на Битола, во која вчера влезе советничката од СДСМ, денеска е санирана.

Дупката се наоѓаше во близина на Центарот за култура, на само неколку чекори од Широк Сокак и хотелот „Епинал“. На снимка објавена на социјалните мрежи, советничката посочи дека во оштетувањето претходно пропаднало и возило, по што советничката влезе во дупката за да ја покаже нејзината големина.

— реклама —

„Зарем вака се сака нашиот град, зарем вака се развива нашиот град?“, праша таа, укажувајќи дека оштетувањето се наоѓа и во близина на Народниот театар и едно од најстарите училишта во државата.

— реклама —

„Зарем ова е безбедноста што ја заслужуваат битолчани? Зарем ова е културата што ја заслужуваат битолчани?“, порача советничката.

Оштетувањето претходно било означено со пластична сигнализација, а по објавувањето на снимката, екипите на јавните претпријатија започнаа со санација.

— реклама —

Од Општина Битола информираат дека оштетувањето кај комплексот „Пелагонија 2“ било констатирано во изминатиот период, по што ЈП „Нискоградба“ поставило соодветна ознака. Со механизација било пристапено и кон утврдување на причината за оштетувањето, односно проверка дали станува збор за проблем поврзан со водоводната или канализациската мрежа.

— реклама —

Од Општината претходно посочија дека обилните врнежи во изминатиот период предизвикале оштетувања на повеќе улици низ градот, поради што надлежните екипи биле постојано на терен.

View this post on Instagram