(Видео) „Секси мама“ во „Македониумот“ му е тазе случај на министерот за култура: Случајот е чувствителен, ќе видиме со правните служби како понатаму

Министерот за култура и туризам, Седат Сулејмани, се огласи за снимањето на спотот за песната „Секси мама“ во „Македониумот“ во Крушево, каде што се наоѓаат и моштите на војводата Никола Карев. Тој вели дека станува збор за чувствителен случај и дека допрва треба да се разгледаат сите правни аспекти.

— реклама —

„Ние како Министерство сме надлежни да ги браниме сите артисти. Имаме чувствителен случај пред нас. Треба со правните служби да видиме како понатаму. Треба да видиме што е законски. Директорите треба да припазат кога изнајмуваат објекти, за да знаат каква содржина се продуцира“, рече Сулејмани.

Тој додаде дека за случајот нема детални информации, бидејќи, како што посочи, за снимањето дознал утрово.

— реклама —

„Проблемот е нов, немам детални информации. Со Владата ќе видиме како понатаму. Спотот е снимен од порано. Не знам, ќе видиме што со директорите“, изјави министерот.

— реклама —

На прашањето за самото снимање на спотот од раперот во „Македониумот“, Сулејмани повтори дека во моментов не располага со доволно информации за да даде поконкретен одговор.

„Деталите не ги знам, нов случај е овој за мене, сабајле дознав. Ако кажам нешто, ќе згрешам. Ќе видам за дополнителни информации и ќе ве известам“, рече Сулејмани на прашањето дали за снимањето била побарана дозвола од Управата за заштита на културното наследство, под чија надлежност е „Македониумот“.

View this post on Instagram