(Видео) Судир на два воза во Данска: 17 повредени, четворица во критична состојба

Во судир на два воза во Кагеруп, во североисточниот дел на Данска, утрово се повредени 17 лица, од кои четворица се во критична состојба, соопшти службата за итни случаи во Копенхаген.

— реклама —

Сите повредени лица се пренесени од местото на несреќата со возила на итната медицинска помош и со хеликоптер, наведуваат службите за спасување.

— реклама —

Полицијата од регионот Северен Зеланд соопшти дека се случила голема железничка несреќа и дека на терен има голем број спасувачки екипи.

— реклама —

Судирот се случил на железничката линија меѓу Хилерод и Кагеруп, во близина на Истеродвејен, по што делницата е затворена за сообраќај.