(Видео) Тајфун го опустоши Тајван: Еден загинат, речиси 530 повредени и огромна материјална штета

Најмалку едно лице загина, а речиси 530 се повредени во налетот на тајфунот „Чампи“ на Тајван, соопштија надлежните служби. Силната бура предизвика голема материјална штета, остави стотици илјади домаќинства без електрична енергија и урна илјадници дрвја.

— реклама —

Според официјалните информации, маж загинал во четвртокот во јужниот дел на островот, откако силните бранови го повлекле во морето.

— реклама —

Тајфунот предизвикал сериозни оштетувања во повеќе делови на Тајван. Властите регистрирале речиси 2.200 соборени дрвја и повеќе од 700 оштетени објекти, додека според медиумските извештаи, над 280.000 домаќинства привремено останале без електрична енергија.

„Чампи“ во еден момент достигнал јачина на супертајфун, но во меѓувреме ослабнал. Тајванската метеоролошка служба соопшти дека во близина на центарот на бурата биле измерени постојани ветрови со брзина до 126 километри на час, додека налетите достигнувале 162 километри на час.

— реклама —

Според прогнозите, тајфунот ќе продолжи да се движи кон север, а до недела се очекува да помине во близина на кинеската крајбрежна покраина Џеџијанг.