(Видео) Трагедија во Кападокија: Карпа се урна врз луѓе, двајца загинати

Две лица загинаа, а едно е повредено откако дел од карпеста формација се урна врз луѓе во Кападокија, во централна Турција. Несреќата се случила по обилните дождови што го зафатиле подрачјето.

— реклама —

— реклама —

Според гувернерот на покраината Невшехир, Хусеин Аксој, одронот се случил во 15:15 часот по локално време, кога делови од формација позната како „самовилски оџаци“ паднале врз луѓе во близина на музеј на отворено во местото Ѓореме.

— реклама —

Спасувачките екипи на местото пронашле две починати лица и едно повредено. Потрагата и проверката на подрачјето продолжуваат, а засега не е објавено државјанството на загинатите.

Кападокија е позната туристичка дестинација во централна Турција, препознатлива по необичните вулкански карпести формации.