(Видео) Трамп почнал да испушта чудни звуци среде говор: „еех“, „пиу, пиу“ и „бум“

Американскиот претседател Доналд Трамп (80) привлече внимание со необични звуци, имитации и неколку збунувачки изјави за време на предизборен собир во Јужна Каролина. Во говорот, кој се одржа во средата, тој во повеќе наврати користеше звучни ефекти наместо зборови, а во еден момент ги помеша и називите на две познати американски награди, објави „Јаху њуз“.

Трамп, кој во последните два месеца одржал 20 предизборни собири, зборувал за поранешната гувернерка на Јужна Каролина, Ники Хејли, кога ненадејно испуштил необичен звук среде реченицата.

„Би рекол дека 90 проценти од причината поради која ја зедов гувернерката... ЕХХХ“, изјавил Трамп, по што продолжил да објаснува зошто ја назначил Хејли за американска амбасадорка во Обединетите нации.

— реклама —

„Ја зедов гувернерката и ја испратив во Обединетите нации затоа што сакав овој човек, сакав тој човек да стане гувернер“, продолжил американскиот претседател.

Подоцна, зборувајќи за американските воени операции против бродови осомничени за шверц на дрога, Трамп повторно употребил звучни ефекти, имитирајќи пукање.

— реклама —

„Го намаливме приливот на смртоносна дрога што пристигнува по море за 97... пиу, пиу, пиу. Деведесет и седум проценти“, изјавил тој.

Трамп и претходно го повторувал тврдењето за намалување на шверцот на дрога за 97 проценти, иако, според медиумските извештаи, достапните официјални податоци на Пентагон не ја потврдуваат таа бројка.

Необичните имитации продолжиле и кога претседателот зборувал за Иран и влијанието на конфликтот врз цените на нафтата.

— реклама —

„О, а кога Иран ќе заврши... БУМ!“, извикал Трамп, покажувајќи со рацете нагло паѓање, по што додал: „Нафта“.

Неговата изјава се однесувала на очекувањата за намалување на цените на енергенсите по евентуалното завршување на конфликтот со Иран. Војната, која првично била најавувана како краткотрајна, продолжува со месеци, а последиците врз енергетскиот пазар се една од темите во американската предизборна кампања.

Во друг дел од говорот Трамп зборувал и за идејата Атлантскиот Океан да го носи неговото име, нарекувајќи го „Трампов океан“.

Дополнително внимание предизвикала неговата изјава дека требало да добие „Пулицерова награда за мир“, иако таква награда не постои. Пулицеровите награди се доделуваат за новинарство, книжевност и музика, додека Нобеловата награда за мир е посебно меѓународно признание.

Снимки од делови од говорот се проширија на социјалните мрежи, каде што предизвикаа реакции поради начинот на кој американскиот претседател ги објаснувал политичките