(Видео) Три големи пожари кај Мадрид се споија во еден

Трите големи шумски пожари во местата Вилја дел Прадо, Сан Мартин де Валдеиглесијас и Алморокс, во близина на Мадрид, се споија во еден голем пожар, кој властите го нарекоа „Сиера Оесте“.

— реклама —

И понатаму е во сила третото, највисоко оперативно ниво според Планот за превенција и гаснење шумски пожари (INFOMA), како и прогласената вонредна состојба на национално ниво.

— реклама —

Во текот на ноќта временските услови делумно се подобриле. Температурите се намалиле, ветерот ослабел, а влажноста на воздухот благо се зголемила, што им овозможило на пожарникарите полесно да интервенираат. Сепак, властите предупредуваат дека тоа не значи дека пожарот е ставен под контрола.

Дополнителен проблем претставува можната промена на правецот на ветерот, која може да ги пренесе чадот, пепелта и новите жаришта кон други подрачја.

— реклама —

Засега не е познато кога евакуираните жители и лицата на кои им е наредено да останат во своите домови ќе можат безбедно да се вратат на вообичаениот начин на живот.