Вицепремиерот и министер за транспорт Александар Николоски соопшти дека се финализира изградбата на галериите, кои, како што посочи, претставуваат најтешкиот и најкомплицираниот дел од автопатот Кичево – Охрид.
Според него, две од трите галерии веќе се целосно завршени, додека на третата интензивно се работи.
„Ги финализираме галериите, најтешкиот и најкомплицираниот дел од автопатот Кичево – Охрид. Две галерии се целосно завршени, на третата интензивно се работи“, објави Николоски.
Тој најави дека во наредниот период ќе бидат пуштени во сообраќај уште 10 километри од автопатската делница.
„Наскоро отвораме за сообраќај уште 10 километри автопат. Ја градиме Македонија!“, порача Николоски.
