(Видео) „Виновните за Алта банка седат во Владата – истрага за Мицкоски, Славески и Кочовска веднаш!“, вели Кузеска

На прес-конференција, портпаролката и членка на Извршниот одбор на СДСМ, Богданка Кузеска побара Јавното обвинителство веднаш да отвори истрага за премиерот Христијан Мицкоски, гувернерот на Народната банка Трајко Славески и министерката за финансии Гордана Кочовска, по случајот со „Алта банка“. Партијата бара во проверката да се вклучи и Европското обвинителство, со цел да се утврди текот на парите поврзани со банката.

— реклама —

Кузеска обвини дека Владата овозможила влез на „Алта банка“ во Македонија со капитал за кој, според неа, постојат сомнежи за неговото потекло. Таа потсети дека СДСМ уште пред една година предупредувала за банката.

Кузеска го посочи записникот од владината седница од 23 септември 2025 година, тврдејќи дека на предлог на Кочовска биле донесени заклучоци за преземање акции од „Алта банка“ АД Белград во 16 јавни институции. Според неа, со одлуките му било овозможено на Давор Мацура да се стекне со поголем пакет акции на сметка на државата.

— реклама —

Таа укажа и на различните изјави на Славески и Кочовска во врска со консултациите околу случајот. Додека Славески говорел дека имало консултации, Кочовска изјавила дека немало и дека не била информирана.

— реклама —

Според Кузеска, граѓаните се соочуваат со проблеми при пристапот до своите пари, додека надлежните се обидуваат да ја префрлат одговорноста. Таа изрази сомнеж и во најавите за продажба на банката на нов сопственик, оценувајќи дека тоа може да послужи за прикривање на случајот.

СДСМ бара итно постапување на Обвинителството и утврдување на одговорноста на сите вмешани. Кузеска нагласи дека, според партијата, досега веќе се изгубени 11 месеци.

— реклама —