(Видео) Во Битола одржана „Вистинска парада на гордоста“ како контранастан на парадата во Скопје

Во Битола вчера се одржал контрамарш под назив „Вистинска парада на гордоста“, кој организаторите го претставиле како одговор на парадата на гордоста што вчера се одржа во Скопје.

— реклама —

Според Игор Петковски, претставник на организаторот, настанот се одржува по шести пат и, како што изјавил, претставува спонтан собир со кој учесниците сакаат да ги истакнат вредностите што ги застапуваат.

— реклама —

„Маршот „Вистинска парада на гордоста“ се одржува по шести пат, спонтано, и е одговор на парадата што денеска се одржа во Скопје. Тука сме за да ги одбраниме нашите вистини и нашите права, да покажеме на што треба вистински да бидеме горди. Ако на нешто треба да бидеме горди, тоа се домот, семејството, родителството и нашите деца“, изјавил Петковски за МИА.

Тој додал дека учесниците на маршот не шират омраза и никого не навредуваат, туку, како што истакнал, на мирен начин го изразуваат своето право на мислење.

— реклама —

„Ние не шириме омраза, никого не навредуваме ниту клеветиме. Секој има свое право, а на овој начин ние го кажуваме нашето право на мислење“, посочил Петковски.

— реклама —

View this post on Instagram