(Видео) Воен авион со 32 лица се урна во Нигерија, на местото на несреќата пронајдени делови од тела

Воен авион со 32 лица се урна денеска во јужниот дел на Нигерија, во близина на местото Игбокода во сојузната држава Ондо. Локалните жители велат дека на местото на несреќата пронашле делови од тела.

Несреќата ја потврди нигерискиот министер за воздухопловство Фестус Кејамо. Во авионот имало 25 патници и седум членови на екипажот, а леталото се урнало во близина на поморска база.

— реклама —

Станува збор за модел на авион кој претходно бил користен за разузнавачки и извидувачки задачи, како и за превоз на персонал.

„Операциите за потрага и спасување, во координација со надлежните институции и службите за итни случаи, во моментов траат“, изјави портпаролот на воздухопловството Ехимен Ејодаме.

— реклама —

Според локалното население, авионот се урнал во близина на река, а дел од остатоците потонале.

„Слушнавме звук сличен на удар на гром“, изјавил локалниот жител Акинбулехо Пиус, додавајќи дека авионот соборил неколку дрвја и дека биле пронајдени делови од тела, облека и обувки.

— реклама —

Министерот Кејамо информирал дека авионот со ознака NGR 931 исчезнал од радарот околу 9 часот по локално време, кратко по полетувањето од Бенин во 9.13 часот. Сите обиди за воспоставување радиоврска биле неуспешни.

— реклама —

Подоцна Кејамо на социјалната мрежа „Икс“ потврдил дека леталото се урнало во близина на поморската база во Игбокода, како и дека остатоците се лоцирани и дека траат операциите за потрага и спасување.

Нигерискиот претседател Бола Тинубу изјави дека станува збор за болен момент за вооружените сили и за целата нација. Тој наведе дека наредил темелна истрага за причините за падот, со цел да се спречат идни несреќи, и ја пофали брзата реакција на службите за итни случаи и властите во државата Ондо.