(Видео) „Знам дека ти е тешко, ти го снема и вториот ментор од Србија“: Филипче до Мицкоски

Претседателот на СДСМ, Венко Филипче, упати остри критики кон премиерот Христијан Мицкоски, тврдејќи дека тој постепено ја губи поддршката од Србија и дека ќе мора да одговара на прашања за финансиски трансфери, банкарски зделки и други сомнежи.

— реклама —

На собраниската седница за пратенички прашања, Филипче му порача на Мицкоски дека неговиот систем на поддршка од Србија слабее и дека одговори ќе се бараат и пред европските институции.

„Јас знам дека сега тебе не ти е лесно, го нема и вториот ментор. Тој систем на поддршка од Србија полека се губи и ќе останеш сам“, рече Филипче.

— реклама —

Тој се повика и на изјава на претседателката на Европската комисија, Урсула фон дер Лајен, оценувајќи дека ќе има прашања на кои ќе треба да се одговори пред европските институции, вклучително и пред Европското обвинителство.

— реклама —

Лидерот на СДСМ отвори прашања и за наводни финансиски текови поврзани со Унгарија и Србија, Алта банка и можни трансфери на пари од Србија во Македонија. Тој најави дека, според него, ќе треба да се дадат одговори и за сомнежите поврзани со трансферот на дрога преку границата.

Филипче оцени дека во такви случаи нема да може да се избегнуваат одговорите со, како што рече, одвлекување на вниманието и давање лажни информации.