Во Центар собрани 162 непрописно паркирани возила

ЈП Паркинзи на Општина Центар и Општина Центар во соработка со Сообраќајната полиција-Скопје во текот на една недела санкционираа 162 непрописно паркирани возила кои го попречувале нормалното и безбедно одвивање на сообраќајот.

— реклама —

— реклама —

Во периодот од 02.05. до 08.05.2022 година, со помош на специјалните возила „Пајак“ на ЈП ПОЦ отстранети се 107 непрописно паркирани возила, а со поставување на механичко средство „Блокатор“ санкционирани се 55 возила кои биле затекнати во резидентни зони, а не биле корисници-резиденти на секторот во којшто биле паркирани.

— реклама —

ЈП ПОЦ и Општина Центар секојдневно водат грижа за да го доведат во ред сообраќајниот хаос настанат од непрописно паркираните возила на територијата на Општина Центар. Потсетуваме на почитување на сообраќајните правила од страна на секој учесник во сообраќајот со цел одржување на ред и безбедност на улиците.