Во Романија регистрирани 58 случаи на западнонилска треска, три лица починаа

Во Романија од почетокот на јуни досега се регистрирани 58 случаи на инфекција со вирусот на Западен Нил, од кои три завршиле со смрт, соопшти Романскиот национален институт за јавно здравје.

— реклама —

Од вкупниот број случаи, 47 се потврдени, а 11 се веројатни, а заразените се евидентирани во периодот од 3 јуни до 2 септември.

— реклама —

— реклама —

Трите лица кои починале биле постари и имале придружни заболувања. Најголем број случаи, вкупно 25, се регистрирани во главниот град, Букурешт.

Здравствените власти апелираат граѓаните да се заштитат од комарци преку носење облека со долги ракави и долги панталони и користење средства за заштита од инсекти. Се препорачува и поставување заштитни мрежи на прозорците, како и отстранување барички, садови со застоена вода и отпад во близина на домовите.