Врховниот лидер на Иран обвини за обид за дестабилизација по нападите

Моџтаба Хамнеи ги обвини Соединетите Американски Држави и Израел дека се обидуваат да предизвикаат внатрешни поделби во Иран, со цел да ги прикријат, како што наведе, „воените порази“.

— реклама —

Во писмена изјава објавена од иранските медиуми, Хамнеи посочил дека „слепиот план на непријателот по наметнатата војна, економскиот притисок и политичко-пропагандната опсада е создавање раздор и поделби за да се надоместат воените порази и народот да се натера на покорност“.

Тој повикал на национално единство и кохезија, пренесува Ал Џезира.

— реклама —

Изјавата доаѓа откако американската војска во текот на ноќта изврши нови напади врз воени цели во Иран. Американски претставник, кој зборувал анонимно за Ројтерс, изјавил дека биле соборени четири ирански борбени дронови што претставувале закана во близина на Ормуски Теснец.

— реклама —

Според истиот извор, во воздушниот напад била погодена иранска копнена контролна станица во градот Бандар Абас, од каде што требало да биде лансиран уште еден дрон. Американската страна навела дека акциите биле „исклучиво одбранбени“ и имале цел да го одржат примирјето што стапи на сила на 8 април.

Подоцна, Иранската револуционерна гарда соопшти дека извршила напад врз американска воздушна база во 4:50 часот по локално време, како одговор на американскиот напад врз Бандар Абас.

— реклама —

Од Револуционерната гарда не открија каде се наоѓа базата што била цел на нападот, пренесе иранската агенција Мехр.