За првпат од 2022 година: Цената на гасот во Европа надмина 100 евра за мегават-час

Цената на гасот во Европа денеска надмина 100 евра за мегават-час, за првпат од 2022 година, поттикната од конфликтот на Блискиот Исток и ниското ниво на залихи пред зимата.

— реклама —

Според податоците од берзата ТТФ, цената на фјучерсите на гасот во еден момент достигнала 100,785 евра за мегават-час, односно околу 1.058 евра за 1.000 кубни метри, што е највисоко ниво од енергетската криза поврзана со војната во Украина.

— реклама —

Пополнетоста на европските складишта за гас на крајот на октомври изнесува 74,6 отсто, што е значително под вообичаеното ниво за овој период, а компанијата „Катар енерџи“ го продолжила прекинот на испораките до одредени купувачи до крајот на декември, пренесе Ројтерс.

Европските влади засега избегнуваат враќање на скапите мерки, како што се ограничувањето на цените и намалувањето на даноците, бидејќи буџетите се оптоварени, а трошоците за задолжување се високи.

— реклама —

Трговците стравуваат дека со доаѓањето на зимата европските земји би можеле да се најдат во ситуација да се натпреваруваат со азиските држави за ограничените испораки на течен природен гас (LNG), пренесе Блумберг.

Побарувачката од Азија дополнително би можела да ја засили конкуренцијата и да ги зголеми цените на гасот, предупредуваат пазарните експерти.