„За ВМРО не важат законите, наместо казна - срамна одлука за бодигардот на Мицкоски“, вели Штерјова

На денешната прес-конференција, Кети Штерјова од Форумот на жени на СДСМ остро реагираше на одлуката за условна казна за лицето кое е дел од обезбедувањето на премиерот Христијан Мицкоски, оценувајќи дека станува збор за скандалозна и понижувачка порака кон жртвите на семејно насилство.

На прес-конференција, Кети Штерјова од Форумот на жени на СДСМ изјави дека одлуката претставува пораз за правдата и доказ дека блискоста до власта носи привилегии.

— реклама —

„Човекот кој ја претепа сопругата и призна вина за насилство да добие условна казна е навреда за жртвите и јасен доказ дека блискоста до власта носи заштита од одговорност“, рече Штерјова.

— реклама —

Таа оцени дека ваквите одлуки испраќаат погрешна порака до жените кои се соочуваат со семејно насилство и се обидуваат да побараат институционална заштита.

Според СДСМ, серијата случаи на семејно насилство кои во минатото завршиле со трагични последици покажуваат дека институциите мора да постапуваат поодговорно и поефикасно.

— реклама —

„Кога насилникот е заштитен, жртвата е оставена сама. Кога репер за пресуда е блискоста до власта, тоа е пораз за правниот поредок и за државата“, истакна Штерјова.

Од Форумот на жени на СДСМ обвинија дека власта не покажува доволна посветеност кон европските стандарди и владеењето на правото, нагласувајќи дека правдата мора да биде еднаква за сите граѓани.

Воедно, СДСМ повторно повика на обединување во, како што го нарекуваат, „Фронтот за вистина и правда“, со цел, според нив, да се стави крај на селективната правда и политичките привилегии.