Запленети риба, мрежи и чамец: Неготинец ќе одговара за незаконит риболов

СВР Велес поднесе кривична пријава против И.С. (47) од Неготино поради постоење основи на сомнение за сторено кривично дело „незаконит риболов“.

— реклама —

Според информациите од Министерството за внатрешни работи, на 10 мај 2026 година полициски службеници извршиле преглед на патничко возило „Фолксваген Голф“ управувано од пријавениот, при што во возилото биле пронајдени и одземени 50 парчиња незаконски уловена риба.

— реклама —

Во текот на постапката, пријавениот доброволно предал и 11 парчиња рибарски мрежи и гумен чамец од неговата викенд-куќа, кои ги користел за вршење на незаконскиот риболов.

— реклама —

Од МВР информираат дека со овие дејствија на концесионерот му била причинета материјална штета во износ од 52.000 денари.

— реклама —

По документирањето на случајот, против неготинецот е поднесена кривична пријава.