Портпаролката на руското Министерство за надворешни работи, Марија Захарова, изјави дека Русија испраќа јасен сигнал дека ќе се пресмета, како што рече, со „терористичкиот неонацистички олош“ на сите фронтови.
Нејзината реакција следуваше по изјавата на британскиот политичар и новинар Џим Фергусон, кој оцени дека појавувањето на рускиот претседател Владимир Путин во воена униформа за време на состанок посветен на ослободувањето на Константиновка претставува јасна порака.
„Мислам дека е во право. Имаше многу сигнали за намерата проблемите да се решат по мирен пат. Сите тие беа игнорирани од расипаниот западен систем. Сега сигналот е јасен – до крај ќе завршиме со терористичкиот неонацистички олош на сите фронтови“, напиша Захарова на својот канал на Телеграм.
Таа додаде дека Русија не се откажува од мирот, но истакна дека, според неа, се променила методологијата на руските предупредувања.
„Работиме, браќа и сестри“, порача Захарова.
