ЗАХАРОВА

Захарова: НАТО сака да ја оттргне Србија од Русија и да ја потчини

НАТО континуирано работи на тоа Србија да биде оддалечена од Русија и постепено вовлечена во западната сфера на влијание, тврди портпаролката на руското Министерство за надворешни работи, Марија Захарова.Коментирајќи ги заедничките воени вежби меѓу Србија и Алијансата, Захарова изјави дека НАТО го гледа Балканот како зона од стратешки интерес и настојува да го прошири своето влијание во регионот.„НАТО цело време гледа на Балканот како на своја зона на интерес. Тие сакаат да го потчинат регионот и да го прошират своето присуство на овој дел од светот“, изјави Захарова, пренесуваат руските медиуми.Според неа, посебно внимание е насочено кон Србија, која Москва ја смета за традиционално пријателска држава.„Постои историски интерес Србија да биде оттурната од Русија. Тие не го кријат тоа, но не сфаќаат дека со таквите обиди ја разоруваат земјата“, рече Захарова.Таа оцени дека врските меѓу рускиот и српскиот народ се длабоко вкоренети во историјата и предупреди дека обидите за нивно нарушување би можеле да имаат сериозни последици.Во својата изјава, Захарова посочи дека Србија води политика на воена неутралност и не се приклучува кон воени сојузи, додека истовремено одржува повеќевекторска надворешна политика.Нејзините коментари доаѓаат во време кога во Србија се одржува меѓународната тактичка воена вежба „Платинумски волк 26“, организирана од Војската на Србија со поддршка на Европската команда на вооружените сили на САД. Вежбата започна на 1 јуни и ќе трае до 13 јуни на воените полигони во близина на Бујановац.

Свет | пред 1 ден

Захарова го критикуваше Нетанјаху: „Споредбата на Иран со Холокаустот е опасна“

Портпаролката на руското Министерство за надворешни работи Марија Захарова реагираше на изјавите на израелскиот премиер Бенјамин Нетанјаху, оценувајќи дека неговите споредби на Иран со нацистичките злосторства се „неосновани и историски искривени“.Нетанјаху претходно изјави дека Иран наводно планира „нуклеарен холокауст“ против Израел, предупредувајќи дека, без израелска акција, иранските нуклеарни објекти како Натанц, Фордо и Бушехр би можеле да станат синоним за логори на смрт како Аушвиц, Мајданек и Собибор.Захарова ги доведе во прашање овие тврдења, потсетувајќи дека Иран уште во 1943 година, за време на владеењето на Мохамад Реза Пахлави, објавил војна на нацистичка Германија. Според неа, историските факти јасно покажуваат кој е одговорен за Холокаустот – нацистичка Германија, фашистичка Италија и нивните сојузници, вклучувајќи колаборационистички режими низ Европа.Таа дополнително го критикуваше Израел поради, како што тврди, изостанок на осуда на украинските власти од 2014 година, наведувајќи дека одредени личности поврзани со историски злосторства врз Евреите биле прогласени за национални херои. Меѓу нив ги спомена Симон Петљура и Јарослав Стецко.Захарова исто така изнесе тврдење дека Банката на Англија била меѓу финансиерите на нацистичката партија, додавајќи дека истите структури денес ги поддржуваат властите во Киев, кои ги обвини за водење политика заснована на етнички и јазични поделби.Говорејќи за израелските изјави, таа нагласи дека користењето поими како Аушвиц, Мајданек и Собибор во современ политички контекст претставува навреда за жртвите од Втората светска војна и Холокаустот, како и за војниците кои ги ослободиле нацистичките логори.Посебно истакна дека нуклеарната електрана Бушехр е цивилен објект, што, како што наведе, повеќепати го потврдила Меѓународната агенција за атомска енергија.Захарова потсети и на изјавата на рускиот министер за надворешни работи Сергеј Лавров, кој порача дека решението за иранското нуклеарно прашање треба да се бара преку дипломатија и обновување на договорот од 2015 година (JCPOA).„Би било значајно достигнување ако актуелните преговори меѓу Иран и САД доведат до резултат сличен на оној од 2015 година“, заклучи Лавров.

Свет | пред 1 месец

Захарова: Јапонија ги нарушува односите со Русија

Токио сè повеќе се вклучува во украинскиот конфликт помагајќи му на киевскиот режим, со што ги нарушува односите со Русија, изјави Марија Захарова, портпаролка на Министерството за надворешни работи на Русија.„Помагајќи му на неонацистичкиот режим на Володимир Зеленски, Јапонија сè повеќе се вплеткува во конфликтот околу Украина, со што нанесува дополнителна штета на односите со Русија, кои сериозно се влошија по вина на Токио“, истакна Захарова во коментар на веб-страницата на руската дипломатска мисија.Според неа, јасно е дека ваквите одлуки не придонесуваат за брзо решение на украинската криза, туку само ги продолжуваат борбените дејствија.Дипломатката потсети дека оружјето кое претставува закана за Русија и нејзините граѓани, како и производните погони што го создаваат во Украина, претставуваат легитимни воени цели за руските вооружени сили.Како што наведе официјалната претставничка на руското МНР, Москва смета дека соработката меѓу Јапонија и Украина во создавање дронови е непријателски потег што им штети на безбедносните интереси на Русија.„Навистина, такви информации постојат. Со оглед на зачестените украински провокации и криминални акции со употреба на беспилотни летала против цивилни цели во Русија, овој потег, очигледно спроведен со поддршка на официјалните власти, го сметаме за отворено непријателски и штетен за безбедносните интереси на нашата земја, вклучително и за заштитата на цивилите“, заклучи Захарова.Претходно, Захарова порача дека секој обид на Токио да организира испорака на оружје за Киев, Русија ќе го смета за непријателски чекор, кој ќе резултира со остар одговор од Москва.

Свет | пред 1 месец

Москва: Проширувањето на НАТО кон границите на Русија е клучна причина за конфликтот

Портпаролката на Министерството за надворешни работи на Русија, Марија Захарова, изјави дека непочитувањето на Договорот за пријателство, соработка и партнерство од страна на Киев довело до одлуката на Москва за почеток на Специјалната воена операција во Украина.Захарова потсети дека Украина во 2004 година го ратификувала Меморандумот за меѓусебно разбирање со НАТО, обврзувајќи се да обезбеди техничка и информативна помош за време на воени вежби и дозволувајќи привремено распоредување на единици на НАТО на своја територија.„Раководството на Украина со години спроведувало политика на грубо и систематско кршење на Договорот, што може да се квалификува како откажување од неговата реализација, што потоа доведе до тоа руското раководство да донесе одлука за почеток на Специјалната операција“, изјави Захарова за Sputnik.Според нејзините зборови, измените во украинската воена доктрина од април 2005 година и уставните промени од 2019 година, со кои членството во НАТО станало стратешка цел, претставуваат кршење на членот 6 од Договорот за пријателство со Русија и Будимпештанскиот меморандум.„Претседателот (Русија, Владимир Путин) на 3 септември 2018 година поднесе Предлог-закон за измени на Уставот кои се однесуваат на стратешкиот курс на државата кон полноправно членство во ЕУ и НАТО, кој на 7 февруари 2019 година беше усвоен во парламентот“, истакна Захарова.Таа нагласи дека проширувањето на НАТО кон границите на Русија претставува клучна причина за конфликтот и додаде дека Москва има намера своите безбедносни цели да ги реализира со воени или политички средства.Претседателот на Русија, Владимир Путин, претходно исто така повеќе пати укажувал на опасноста од членството на Киев во НАТО како еден од причините за почетокот на операцијата.

Свет | пред 3 месеци

Захарова по објавата на досиејата на Епстин: Вистинските монструми биле на Западот

Објавувањето на таканаречените досиеја на Епстин го разоткри „одвратниот олош“ кој со години измислува митови за Русија за да го одвлече вниманието од сопствените злосторства, изјави портпаролката на руското Министерство за надворешни работи, Марија Захарова, во интервју за руската државна агенција TASS.Захарова потсети на бројните обвинувања што западните земји ги изнесувале против Русија и оцени дека Москва одговарала со „аргументи и факти“.„Со години измислуваа митови за Русија, за наводна закана, за злосторства кои, како што тврдеа, наводно сме ги извршиле на нивна територија. Во меѓувреме, целиот тој олош со години дејствувал во нивните заедници, во самото нивно срце, во најлуксузните квартови на Њујорк, Лондон и другите европски престолнини, како и во Соединетите Американски Држави“, рече таа.Додаде дека по објавувањето на досиејата „излегува дека вистинските злосторници, вистинските монструми, удобно живееле во западното општество“. „Биле вмешани во разни одвратни злосторства: корупција, трговија со луѓе, присилна проституција, незаконско притворање и педофилија, и сè што ќе посакате“, наведе Захарова.Објавата на документите од американското Министерство за правда ги откри врските на Џефри Епстин со бројни истакнати личности од политиката, финансиите, академската заедница и бизнисот, и пред и по 2008 година, кога призна вина по обвиненијата за проституција, вклучително и регрутирање малолетничка.Епстин беше пронајден обесен во својата затворска ќелија во 2019 година, откако повторно беше уапсен по федерални обвиненија за сексуална злоупотреба на малолетници. Неговата смрт официјално беше прогласена за самоубиство.

Свет | пред 3 месеци

Захарова: Неуспесите на бојното поле Киев ги заменува со терористички напади врз руски цивили

Киевскиот режим, свесен за својата неспособност да постигне резултати на бојното поле, ги компензира своите неуспеси и порази со терористички напади врз цивили во Русија, изјави портпаролката на руското Министерство за надворешни работи, Марија Захарова.Таа потсети дека руската страна секогаш ги гледала терористичките напади на киевскиот режим како дел од хибридната војна.„И таму каде што сфаќаат, а секогаш сфаќаат дека не можат да постигнат резултати на бојното поле, каде што не успеваат и очигледно нема да успеат, тие ги компензираат тие неуспеси и порази со терористички напади врз цивили, врз цивилна инфраструктура“, нагласи Захарова за телевизијата Росија-1.

Свет | пред 3 месеци

Захарова: Политиката на ЕУ е комична сама по себе, не им треба дополнителен хумор

Функционер на руското Министерство за надворешни работи на шега коментираше за изјавата на претставникот на ЕУ дека во Брисел веруваат дека институциите на блокот не користат доволно шеги во јавните соопштенијаНа европските политичари не им требаат шеги во своите изјави, политиката што ја водат е комична сама по себе, изјави Марија Захарова, портпаролка на руското Министерство за надворешни работи.Медиумите известуваат дека неименуван функционер на ЕУ изјавил дека во Брисел веруваат дека институциите на блокот не користат доволно шеги во јавните соопштенија, што лошо се одразува на можноста за пренесување на европската порака до јавноста, потсети Захарова.„Според мене, недостатокот на шеги е повеќе од компензиран од комедијата на политиката на ЕУ. А без хумор – човек се смее до солзи“, напиша руската функционерка на својот Телеграм канал.

Свет | пред 4 месеци

Путин лично му се јавил на Трамп: „Ме информираше за нападот со дронови врз неговата резиденција - Москва најавува одговор

Американскиот претседател Доналд Трамп изјави дека неговиот руски колега Владимир Путин утрово телефонски го информирал за наводниот украински напад со беспилотни летала врз претседателска резиденција во Новгородската област. Трамп оцени дека таков потег „не е добар“, но додаде дека е можно руските тврдења да не се точни.„Тукушто слушнав за тоа, но не знам ништо повеќе. Тоа не би било добро,“ изјави Трамп пред средбата со израелскиот премиер Бенјамин Нетанјаху во Мар-а-Лаго, додавајќи дека разговорот со Путин бил „продуктивен“, но дека сè уште постојат чувствителни прашања што треба да се решат за да се постигне мир во Украина.Руските власти претходно соопштија дека ноќеска бил спречен масовен напад со 91 дрон со долг дострел насочен кон претседателската резиденција на Путин во северна Русија. Министрот за надворешни работи Сергеј Лавров изјави дека сите летала биле соборени од противвоздушната одбрана и дека нема повредени ниту материјална штета.Портпаролката на руското Министерство за надворешни работи, Марија Захарова, изјави дека Москва ќе одговори на, како што го нарече, „обидот за украински напад“.„Ќе има одговор на ова,“ рече таа за националната телевизија, обвинувајќи го украинскиот претседател Володимир Зеленски дека со ваквите чекори ги поткопува можностите за мировни преговори.Во исто време, Киев категорично ги отфрли руските наводи, нарекувајќи ги неосновани и политички мотивирани. Украинските власти сметаат дека Москва преку вакви обвинувања се обидува да изгради алиби за евентуална ескалација и притисок врз мировниот процес.Досега, руската страна не објави независно потврдени докази за нападот.Настанот се случува во чувствителен дипломатски момент, кога секоја информација за напад врз „симболични“ цели добива дополнителна тежина — и на теренот, и на преговарачката маса.

Свет | пред 5 месеци

Захарова се потсмева со Украина: Пагани во маски на јарци, смрт и ангели го слават „Божиќ“ на 25 декември за да соберат средства за јуришната бригада

Украинците на 25 декември, по третпат го прославија Божиќ според новиот календар, со што сакаат да покажат дека го бришат руското влијание.Ова беше повод за саркастична реакција на портпаролката на руското МНР, Марија Захарова.Таа ја осуди и исмеваше Украина и претседателот Володимир Зеленски за прославата на Божиќ на 25 декември.Во објава на Телеграм, ги исмеваше религиозните симболи и ја поврза прославата со собирање средства за помош за украинските вооружени сили.На социјалните мрежи таа објави и видео на кое неколку младу Украинци, се облечени во костими и напиша:„На 25 декември, по налог на Зеленски, пагани во маски на јарци, смрт и ангели го слават „Божиќ“ со цел да соберат средства за јуришната бригада. Кој е Исус Христос, чие раѓање стана христијански празник, тие не знаат”.

Свет | пред 5 месеци

Според Захарова, Франција прави подготовки за судир со Русија

Марија Захарова, портпаролката на руското Министерство за надворешни работи, изјави дека францускиот претседател Емануел Макрон ја подготвува својата војска за судир со Русија, пренесува агенцијата „Анадолија“.Захарова го коментираше неодамнешното обраќање на Макрон до вооружените сили, каде што рече дека безбедносната линија на Франција оди „преку границите во Европа и Украина“.„Прашувате какви цели има Емануел Макрон… Јасно е дека Париз се подготвува за понатамошно соочување со нашата земја“, нагласи Захарова.„Таа посочи дека Франција со години ги зајакнува своите воени капацитети и дека во 2022 година Макрон ја објави својата намера да ги подготви вооружените сили за „војување со висок интензитет“ и да ја префрли економијата на „воена основа“. По ова, додаде таа, следеше нов закон за воено планирање, кој го удвојува францускиот буџет за одбрана.Захарова рече дека развојот на напредно оружје е во тек, а многу од оружјата се тестираат во Украина, што таа го опиша како „тест за хибридната војна на Западот против Русија“.Таа го критикуваше недостатокот на мировни иницијативи од Франција, велејќи дека тоа е дополнителен доказ за „воинствените намери“ на Франција.Тврди дека француската младина се подготвува за конфликт со Русија под превезот на доброволни мерки.

Свет | пред 1 година

„Русија ќе го покрене прашањето за терористички напади во кои беше вмешана Велика Британија“, вели Захарова

Москва ќе го привлече вниманието на терористичките напади во Црното и Балтичкото море, во кои беше вклучен Лондон, изјави денеска Марија Захарова.„Русија има намера да го привлече вниманието на светската заедница, вклучително и на Советот за безбедност на ОН, на серијата терористички напади врз Руската Федерација во Црното и Балтичкото море, вклучително и вмешаноста на Велика Британија во нив“, изјави Захарова за ТАСС.Велика Британија претходно денеска ги негираше руските тврдења дека членовите на британската морнарица го разнеле гасоводот Северен тек минатиот месец, нарекувајќи го „лажни тврдења од епски размери“.Руското Министерство за одбрана претходно објави дека припадници на британската морнарица учествувале во планирањето и извршувањето на терористичкиот напад во Балтичкото Море на 26 септември, кога беа оштетени гасоводите „Северен тек“ и „Северен тек 2“.Според информациите од руското Министерство, британски експерти од градот Очаков, Николаевската област, учествувале во планирањето напади со девет беспилотни летала и седум автономни поморски беспилотни летала на руски бродови на Црноморската флота и цивилни пловни објекти, кои биле лоцирани на надворешните и внатрешните приклучоци во основата во Севастопол.

пред 3 години