Зеленски: Русија подготвува нови ракетни и дронски напади врз Киев

Украинскиот претседател Володимир Зеленски изјави дека Русија подготвува нови ракетни и дронски напади врз клучни објекти во Украина, меѓу кои и Кабинетот на претседателот и неговата резиденција во Киев.

— реклама —

Според Зеленски, украинската воена разузнавачка служба дошла до руски документи и сателитски снимки од 6 мај на кои се гледаат координати и податоци за речиси дваесет политички и воени цели во центарот на Киев.

„Русија подготвува нови ракетни и беспилотни напади врз таканаречените ‘центри на одлучување’“, напиша Зеленски на мрежата Икс по состанокот со Генералштабот, разузнавачките служби и Службата за безбедност на Украина.

— реклама —

Тој порача дека Украина ги зела предвид информациите, но нагласи дека „Украина не е Русија“ и дека изворот на украинската одбрана е подготвеноста на народот да се бори за независноста.

— реклама —

„Русија мора да ја заврши војната и да преговара за достоинствен мир, наместо да бара нови начини за заплашување на Украина“, изјави Зеленски.

Украинските власти претходно предупредија дека Русија започнала нов бран комбинирани воздушни напади што би можеле да продолжат и во наредниот период.

— реклама —

Според Зеленски, само на 13 и 14 мај Русија лансирала 1.567 дронови и 56 ракети од различен тип врз Украина.