Земјотрес од 4 степени во Албанија почувствуван и во Струга

Утрово во 7:52 часот е регистриран земјотрес со локална магнитуда од 4,0 степени според Рихтеровата скала, со епицентар на територијата на Албанија, соопшти Сеизмолошката опсерваторија при Природно-математичкиот факултет во Скопје.

— реклама —

Според информациите, епицентарот бил лоциран на околу 144 километри југозападно од Скопје.

— реклама —

— реклама —

Според досегашните податоци, потресот бил почувствуван во Струга и околните населени места, со интензитет од III степени според Европската макросеизмичка скала.

— реклама —

Засега не се пријавени материјални штети ниту повредени лица.