Земјотрес со јачина од 3,8 степени според Рихтеровата скала е регистриран денеска во Албанија, со епицентар во близина на Лушња, соопшти Институтот за геонауки при Политехничкиот универзитет во Тирана.
Земјотресот се случил во 12:44 часот по локално време, на длабочина од околу 10 километри.
Епицентарот бил лоциран на околу 8 километри североисточно од Лушња и околу 29 километри југозападно од Елбасан.
Засега нема информации за причинета материјална штета или повредени лица.
Албанија се наоѓа во сеизмички активно подрачје и во текот на годината често се регистрираат земјотреси со умерена јачина.
