„Животот не вреди“ – ВМРО-ДПМНЕ за условната казна на докторка од Онкологија

ВМРО-ДПМНЕ реагира на пресудата со која докторка од Клиниката за онкологија и радиотерапија доби условна казна од две години, поради тоа што признала вина. Од партијата сметаат дека оваа одлука е „срамна“ и претставува уште еден доказ дека судството функционира под насоки од раководството на СДСМ.

— реклама —

„Судот со оваа пресуда јасно укажува дека човечкиот живот не вреди и дека нема интерес за неговата заштита. Судството секојдневно покажува дека работи исклучиво по насока на Зоран Заев и неговата дружина, во која е Венко Филипче и дел од раководството на СДСМ“, велат од ВМРО-ДПМНЕ.

— реклама —

— реклама —

Како пример партијата ја посочува и пресудата за пожарот во модуларната болница во Тетово во кој загинаа 16 лица, каде, според нив, наместо да се утврди одговорност за тогашниот министер за здравство Венко Филипче, биле осудени само двајца директори и болницата како правно лице.

„Крај на овој правосуден систем, кој работи под диригентска палка на Заев и компанија, мора да се стави“, порачуваат од ВМРО-ДПМНЕ.