Оштетил околу 260 скапи автомобили оти бил љубоморен
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2018/12/steta-avtomobil.jpg)
Маж е уапсен во југозападниот германски град Карлсруе, откако полицијата соопштила дека тој признал дека за неколку дена изгребал или на друг начин оштетил околу 260 автомобили.
Висината на штетата на возилата е повеќе од 500.000 евра.
28-годишникот минатата недела ѝ се предал на полицијата и признал дека ја направил штетата. Тој објаснил дека бил љубоморен на сопствениците на автомобили и дека има „лични проблеми“, се вели во соопштението на полицијата.
Штетата била главно на скапи автомобили кои биле паркирани во центарот на Карлсруе – седиштето на највисокиот кривичен и уставен суд во Германија.
Осомничениот претходно бил кривично регистриран и пуштен од затвор во јули 2021 година, соопштила полицијата.
![](https://skopje1.mk/wp-content/uploads/2022/01/2222.png)