Се кршат копја преку платени анкети: Кој е поблиску до тронот, Ковачевски или Мицковски
Две анкети спроведени во Македонија, а кои треба да го измерат рејтингот на актуелните полтиички гарнитури, даваат различни резултати. Едната покажува водство на ВМРО-ДПМНЕ, другата го воздигнува СДСМ додека Димитар Ковачевски го претставува како најпопуларен политичар.
Анкета на „МКД.мк“
Димитар Ковачевски губи од Христијан Мицкоски 4 спрема еден. Ова го покажува телефонската анкета спроведена на 1.200 испитаници од агенцијата Маркет вижн од 18 до 25 септември, а по нарачка на редакцијата на „МКД.мк“. Во Христијан Мицкоски доверба имаат 12,3%, во Димитар Ковачевски 3,5%, во Димитар Апасиев 3,1% и во Али Ахмети 3,7% од испитаниците.
Една четвртина од испитаниците изјавиле дека на наредните избори ќе гласаат за политичката партија ВМРО- ДПМНЕ (25,1%), потоа следуваат ДУИ со 9,7%, СДСМ со 9,5% и Левица со 7,1%.
Најголема промена во довербата на гласачите има кај партијата СДСМ каде процентот на испитаници кои се изјасниле дека ќе гласаат за оваа партија е намален од 12,4% во месец февруари на 9,5% во септември 2023 година.
Анкета на „Фокус.мк“
Втората анкета дава други резултати. Анкетата на „Фокус“ е спроведена преку телефон на 1.200 испитаници од страна на агенцијата „STRATUM R&D“ на почеток од овој месец.
Според неа, за ВМРО-ДПМНЕ предводено од Христијан Мицкоски се изјасниле дека би гласале 10.1% од испитаните граѓаните додека пак за нова партија од ВМРО-ДПМНЕ предводена од Никола Груевски се изјасниле 9.2% од граѓаните.
Од друга страна, за СДСМ предводена од Димитар Ковачевски се изјасниле 15.8% од испитаниците и во вакви околности владејачката партија избива на прво место
Точност и реакции
Често анкетите се прават пред одржување на избори. Кога партиите ја убедуваат јавноста дека тие се вистинскиот избор – се нарачуваат и овие испитувања. Но исто така, често истите се покажуваат како неточно. За конкретните резултати, епилогот ќе го дадат изборите идната година.
Аналитичарот Ивор Мицкоски, со коментар:
„Се претера и со анкетите. Да објавиш анкета дека Ковачевски е најпопуларен политичар, па уште дека тоа е заради резултатите од справувањето со економската и енергетската криза, кризи кои уште траат, кои го исцедија буџетот и го осиромашија народот е стварно да дупиш цела земја у здрав мозок. Треба да се има малце осет и во нарачките и во испорачките. И мали деца знаат каков пепел се и премиерот и партијата му“, напиша тој.
Точност и реакции
Често анкетите се прават пред одржување на избори. Кога партиите ја убедуваат јавноста дека тие се вистинскиот избор – се нарачуваат и овие испитувања. Но исто така, често истите се покажуваат како неточно. За конкретните резултати, епилогот ќе го дадат изборите идната година.
Аналитичарот Ивор Мицкоски, со коментар:
„Се претера и со анкетите. Да објавиш анкета дека Ковачевски е најпопуларен политичар, па уште дека тоа е заради резултатите од справувањето со економската и енергетската криза, кризи кои уште траат, кои го исцедија буџетот и го осиромашија народот е стварно да дупиш цела земја у здрав мозок. Треба да се има малце осет и во нарачките и во испорачките. И мали деца знаат каков пепел се и премиерот и партијата му“, напиша тој.
