Лукашенко: Белорусија се подготвува за војна, иако сака мир
![Лукашенко: Доаѓаат тешки времиња](https://skopje1.mk/wp-content/uploads/2023/10/Лукашенко-Доаѓаат-тешки-времиња.jpg)
Белорускиот претседател Александар Лукашенко денеска изјави дека Белорусија се подготвува за војна, иако, како што наведе, сака мир и не сака да се бори против ниту една земја.
Лукашенко изјави дека е вистинита изреката „Ако сакате мир, подгответе се за војна“ и дека не ја смислил тој, објавена е на веб-страницата на белорускиот претседател.
Лукашенко нагласи дека Белорусија никому не му се заканува на ниту еден начин и не сака туѓи територии. Лукашенко посочи дека во Белорусија се врши потребната обука на соодветните единици и дека војниците се снабдуваат со различни видови оружје и опрема.
Според него, се додека критиките доаѓаат од непријателски земји, тоа значи дека Белорусија постапува правилно. Тој изјави дека би било катастрофа доколку Белорусија добие пофалби од, како што наведе, непријателските земји.
![](https://skopje1.mk/wp-content/uploads/2022/01/2222.png)