„Алиу и Клековски ги поскапеа „Фостер” и „Мифортик”, а заборавија да ги набават замените на сметка на Фондот“, велат од Левица

Левица преку соопштение обвини дека Министерството за здравство и Фондот за здравствено осигурување создале сериозен проблем за пациентите со астма, хронична опструктивна белодробна болест (ХОББ) и трансплантирани бубрези, откако ги поскапеле лековите „Фостер“ и „Мифортик“, а најавените генерички замени сè уште не се достапни во аптеките.

— реклама —

Од партијата велат дека пациентите веќе две недели се принудени сами да ги покриваат значително повисоките трошоци за терапијата, иако претходно било најавено дека ќе има нови генерички лекови кои ќе бидат на товар на Фондот.

— реклама —

Според Левица, пациентите со астма и ХОББ сега плаќаат и до 300 проценти повисока цена за терапијата, додека лицата со трансплантиран бубрег за лекот „Мифортик“ издвојуваат дополнителни 3.450 денари.

— реклама —

Од партијата ги повикаа министерот за здравство Азир Алиу и директорот на ФЗО, Сашо Клековски, итно да обезбедат набавка и дистрибуција на најавените генерички лекови во аптеките низ државата. До тогаш, бараат да се врати претходниот начин на финансирање на постојните терапии.

— реклама —

Левица истовремено бара од надлежните да објаснат зошто средствата за овие лекови биле намалени пред да биде обезбедена нивната соодветна замена.