Анкета за корупција во јавното здравство: Во три случаи е побаран секс како мито

Најновото истражување на здружението ЕСЕ потврдува дека корупцијата е длабоко вкоренета во јавното здравство.

— реклама —

Од 1.200 анкетирани граѓани, до 200 од нив биле замолени за мито или самите понудиле пари за да добијат здравствена услуга.

Главните наоди од истражувањето покажуваат дека најчесто се плаќа „под шалтер“ за специјалистички услуги, болничко лекување и операции, додека главните причини се недостатокот на бесплатни прегледи и малиот број специјалисти.

— реклама —

Покрај готовината, корупцијата се појавува и во други форми како што се подароци, обврска за купување лекови во одредени аптеки или упатувања во приватни клиники. Шокантно, во три случаи дури и се барал сексуален однос во замена за услугата.

— реклама —

Граѓаните од руралните средини се повеќе изложени на изнуда. Истражувањето покажува дека машките здравствени работници се посклони да бараат мито од жените.

Секоја четврта жена дала мито на гинеколог за подобра услуга, додека секоја петта е подготвена да даде пари за време на бременост или породување.

Проблемот е дополнително усложнет бидејќи граѓаните честопати го изедначуваат митото со „знак на благодарност“, што го отежнува откривањето и борбата против овој феномен