Арагчи: Целосно уништување, уплашени лидери и одбрана во хаос, а ние штотуку започнавме

Иранскиот министер за надворешни работи, Абас Арагчи, се огласи поради одлуката на Израел да го забрани снимањето на безбедносните локации и преносите во живо додека важи предупредување за напади.

— реклама —

Арагчи рече дека израелскиот премиер Бенјамин Нетанјаху не сака да се види „како моќните вооружени сили на Иран го казнуваат Израел за неговата агресија“.

— реклама —

А еве што пријавуваат нашите мажи и жени на теренот: целосно уништување предизвикано со нашите проектили, уплашени лидери и противвоздушната одбрана во хаос. А ние штотуку започнавме“, напиша Арагчи на платформата X, пренесувајќи текст од Франс 24 кој наведува дека израелската армија забранила преноси во живо додека траат предупредувањата за воздушни напади од Иран со ракети или дронови.

Во објавата што ја пренел Арагчи, Франс 24 наведува дека снимките на израелската противвоздушна одбрана која пресретнува ирански проектили биле вообичаени на почетокот на војната, од 28 февруари, како и за дванаесетдневната војна во јуни минатата година.

— реклама —

Арагчи исто така упати порака до Американците, нагласувајќи дека тврдењето оти Иран имал намера да ги нападне САД или американските сили е „чиста и очигледна лага“.

— реклама —

Единствената цел на оваа лага е да се оправда ‘Операцијата Голема грешка’, опасна авантура што ја смисли Израел, а ја платија обичните Американци“, рече Арагчи.