Трамп го величи Путин: Тоа е генијално!
Поранешниот американски претседател Доналд Трамп го нарече „генијален“ потегот на Путин да испрати војници во Украина. Говорејќи во десничарска радио емисија, Трамп беше прашан што мисли за испраќањето војници на Путин во Украина.
„Гледав телевизија вчера, видов што се случи и реков: ‘Ова е генијално’, потенцираше Трамп.
„Путин прогласи голем дел од Украина за Украина. Путин ја прогласи за независна. О, тоа е прекрасно. Така, Путин сега вели: ‘Голем дел од Украина е независен’, додаде Трамп.
Реков: „Колку е тоа паметно? И тој сега ќе оди таму и ќе биде миротворец. Тоа е најсилната мировна сила… Тоа би можеле да го искористиме на нашата јужна граница“, додаде поранешниот американски претседател. Во остатокот од шоуто, Трамп продолжи да го фали Путин и да го омаловажува неговиот наследник Бајден.
„Морате да кажете дека е прилично паметно. И знаете каков беше одговорот на Бајден? Немаше одговор“, заклучи Трамп.
