(ФОТО) Се судрија два воза: Најмалку 95 повредени
Најмалку 95 лица се повредени во судир на два воза во јужните предградија на Тунис.
Портпаролот на цивилната заштита изјави за АФП дека во судирот се повредени 95 лица и дека тие се префрлени во болницa. Тој изјави дека еден од возовите превезувал патници додека другиот бил празен.
Засега не е позната причината за несреќата.
Според портпаролот, повеќето од повредените се со скршеници.
Egypte : 95 blessés dans la collision entre deux trains à Tunis https://t.co/lIHKwtJwEZ pic.twitter.com/45MYjtE35Z
— koaci.com (@Koaci) March 21, 2022
Во декември 2016 година, пет лица загинаа, а 50 беа повредени во истата зона во судир на автобус и воз, што се случи поради оштетена инфраструктура. Тунис ја имаше една од најтешките железнички несреќи во својата понова историја во јуни 2015 година, кога 18 лица загинаа во судир на воз и камион во Ел Фахес, на околу 60 километри јужно од главниот град на Тунис.
Тој судир се случи поради грешка во сигнализацијата.
