Воен аналитичар: Руските војници масовно бегаат, Путин сега е пред одлука
Воениот аналитичар Марио Галиќ во живо ја коментираше ситуацијата во Украина во студиото N1. Тој вели дека е вообичаено армијата да објавува дневни извештаи, но и дека секоја армија става акцент на оние податоци кои и одговараат во тој момент и ги прикажува поуспешно и во подобро светло од непријателските сили.
„Треба да знаете дека секоја страна ќе каже работи што и одговараат на неа. Така е и украинската армија. Во моментов имаат корист од запирањето на рускиот напредок во речиси сите правци. Во Мариупол се уште траат тешки борби, но тоа беше очекувано. Подготвени се да пружат отпор и се борат. Руската армија главно стои на други места, а во некои делови Украина презеде иницијатива. Тоа се однесува на прекин на патиштата за снабдување“, вели Галиќ.
Тој вели дека украинската војска се фокусира на одбрана на Киев.
Главниот фокус на украинската армија е да не дозволи опкружување на Киев. Не е возможно да се изврши напад додека градот не биде опколен. Не знам дали тие (Русите) имаат поголема волја за тоа. Тие јавија дека убиени се 1.500 војници, што е веројатно 10 пати помалку од реалната бројка“, вели тој.
Русите се откажаа од Одеса
На прашањето што се случи со Одеса, Галиќ рече дека Русите дефинитивно се откажале од овој град. „За да биде вредно да се изврши поморско слетување, копнените сили мора да бидат многу поблиску. Руските сили се далеку од Одеса најмалку две недели интензивни борби, загуби. Тие веќе не размислуваат за Одеса. Десантниот брод што беше уништен превезуваше сили во Мариупол“.
„Путин не е задоволен од начинот на кој се одвива војната. Се додека не го освои Мариупол, нема да има конкретни преговори. Оваа војна влезе во сосема нова фаза“, рече тој.
Галиќ, исто така, вели дека Путин имал лоши информации пред да започне инвазијата.
„Веруваше дека Украинците ќе ги пречекаат со цвеќе и чај. Неверојатно. Путин сега мора да одлучи дали повеќе се исплати да се умре во Украина. Руските генерали видоа дека руската војска се распаѓа, тие носат сили од далечниот исток, Русите масовно бегаат. Неодамна мораа да ја повлечат војската од Ерменија и Нагорно Карабах, па азербејџанската војска влезе во Карабах. Затоа што знаат дека Русите не можат ништо. Такви работи ќе им се случат сега “, рече тој.
