Сијарто: Вредеше да се спротивставиме на притисокот на главните играчи
![Avatar](https://skopje1.mk/wp-content/uploads/2021/09/xd-80x80.jpg)
![](https://skopje1.mk/wp-content/uploads/2019/06/sijarto.jpg)
Усвоен е шестиот пакет санкции на Европската унија против Русија, борбата за форматот на санкциите беше тешка, но вредеше, изјави денеска унгарскиот министер за надворешни работи Петер Сијарто.
– Беше долга борба, но вредеше да се спротивставиме на притисоците и барањата на главните играчи да се откажат од нашите национални интереси. Вредеше да се издржат лажните обвинувања на многу европски политичари и новинари – изјави Сијарто на Фејсбук, пренесува агенцијата МТИ.
Тој додаде дека новиот пакет е исклучок кога станува збор за испорака на руска нафта преку нафтоводи, што, според него, ќе обезбеди енергетска безбедност на Унгарија.
– Да не се боревме на начинот на кој се боревме, снабдувањето со нафта ќе станеше невозможно, а економијата и земјата ќе застанат – додаде тој.
![](https://skopje1.mk/wp-content/uploads/2022/01/2222.png)