Ова е семејството Мартиновиќ кое беше убиено во масакрот во Цетиње: Наташа ликвидирана со двете деца
Медицинската сестра Наташа Пајовиќ Мартиновиќ и нејзините два сина – единаесетгодишниот Марко и три години помладиот Машан беа првите жртви на Вук Бориловиќ (34) во Цетиње.
Според првичните податоци на истрагата, завчера во 15.30 часот, Бориловиќ дошол на катот од куќата во која живееле Мартиновиќ како станари. Дома биле само децата и нивната мајка. Сопругот на Наташа, и татко на децата, во тој момент не бил дома. Наводно, расправијата се случила за киријата.
Бориловиќ земал оружје и пукал – прво во децата, кои се обиделе да се сокријат зад вратата, а потоа и кон Наташа. Децата починале на лице место, а таа им подлегнала на повредите во болница.
Жителите на Цетиње на социјалните мрежи почнаа да споделуваат фотографии од убиеното семејство.
Според црногорските медиуми, тогаш Бориловиќ му се јавил на телефонот на нејзиниот сопруг Милош и му рекол: „Ги убив твоето семејство и моето семејство“, а потоа тој тргнал на својата крвава треска.
Влегол во домот на соседите, семејството Дрецун, отворил оган и таму убил три лица (Данијела, Димитрије и Рајко Дрецун), а потоа ги застрелал и тешко го ранил и нивниот внук Александар Дрецун (32).
Продолжил да пука – не ги поштеди ниту вујко му Горан Ѓуришиќ, ниту соседите Милан Митровиќ, Александра и Данијела Радуновиќ. Потоа продолжил и повредил уште четворица соседи, како и полицаецот Љубиша Максимовиќ, кој се обидел да го задржи.
Ненад Калуѓеровиќ го спречил со тоа што отворил оган врз него и го убил.
Се вели дека Бориловиќ и самиот е татко на три деца. Неговата сопруга и децата на кобниот ден не биле дома, туку во Херцег Нови. Бориловиќ работел во Националниот парк Ловќен, велат дека бил мирен и повлечен човек, но дека во последно време видно се променил.
– Се однесуваше како волк осамен, кој никој не го сакаше, а тоа се забележуваше – рекол еден од неговите колеги.
